Տուշեթ․ Միմինոյի հայրենիքը

Օգոստոսի 31-ից սեպտեմբերի 4-ը (5 օր, 4 գիշեր) / 2022 թ․

Իրականացրինք էքսպեդիցիոն ճանապարհորդություն դեպի Տուշեթ (offroad + քայլարշավներ)։

Տուշեթը Վրաստանի հյուսիսային պատմական շրջաններից է։ Սահմանակից է Դաղստանին ու Չեչնիային: Գտնվելով բարձրալեռնային գոտում այն մինչ օրս մնում է երկրի ամենադժվարամատչելի հատվածը։ Տուշեթում է նկարվել «Միմինո» ֆիլմից որոշ դրվագներ:

Այստեղ կարելի է հասնել ուղղաթիռով, ինչպես դա անում էր հայտնի ֆիլմի հերոսը, կամ արտաճանապարհային մեքենաներով: Դեպի Տուշեթ տանող միակ ճանապարհն անցնում է Աբանոյի լեռնանցքով (2850 մ), որը փակ է հոկտեմբերից մինչև մայիս ընկած ժամանակահատվածում:

Դժվարամատչելիության պատճառով Տուշեթում պահպանվել է վայրի բնությունը, ժողովրդի կենցաղն ու ավանդույթները:

Ճանապարհորդությունն իրականացնում ենք առաջին անգամ։ Մասնակիցները պետք է պատրաստ լինեն ծրագրի փոփոխության ըստ իրավիճակի։

Ճամփորդությունն իրականացվելու է ամենագնաց մեքենաներով։

Գիշերեկացները լինելու են գյուղական հյուրատներում։

Մասնակցության արժեքը՝ 360 $

Արժեքի մեջ ներառված է՝

Տրանսպորտ (4X4 մեքենաներ)

Ուղեկցորդների ծառայություն

Հյուրատուն

Արժեքի մեջ ներառված չէ՝

Սնունդը

Ծրագրի մանրամասները կներկայացվեն մասնակիցներին հավաքի ընթացքում։

 

Առաջիկա արշավներ