Վերելք Օրիսաբա 2025

Մեր ակումբն այժմ իրականացնում է աշխարհի ամենաբարձր «7 հրաբուխ» նախագիծը, որի շրջանակներում արդեն բարձրացել ենք Էլբրուս, Դեմավենդ և Կիլիմանջարո։
Այժմ եկել է ժամանակը շարունակել այս նախագիծն ու պատրաստվել հաջորդ վերելքին։
Այսպիսով ուղևորվում ենք բարձրանալու Հյուսիսային Ամերիկայի ամենաբարձր հրաբուխը, որը հանդիսանում է նաև Մեքսիկայի ամենաբարձր կետը՝ Օրիսաբա (5636մ)։

Ծրագրի մասնրամասները ներկայացված են ստորև։

Օր 1 – ։ Երևան – Մեքսիկա

Թռիչք Երևանից Մեքսիկա։ Տեղավորում հյուրանոցում։

Օր 2 – ։ Մեխիկո – Սիթի տուր – Տեոտիուական

Առավոտյան՝ նախաճաշից հետո, կուղևորվենք սիթի տուրի։ Կզբոսնենք պատմական կենտրոնում, կայցելենք Զոկալո հրապարակում գտնվող Մայր Տաճար և Ազգային Պալատ։

Այնուհետև կուղևորվենք Տեոտիուական (վայր, որտեղ ծնվել են Աստվածները, կամ Աստվածների քաղաք), լքյալ քաղաք, որը գտնվում է Մեխիկոյից 50 կիլոմետր հեռավորության վրա։
Երեկոյան վերադարձ հյուրանոց։

Օր 3 – ։ Վերելք Մալինչե հրաբուխ

Այսօր մեզ մոտ կլիմայավարժեցման օր է․ բարձրանալու ենք Մալինչե հրաբուխը (4500մ)։
Մալինչեյի գագաթից կարող ենք վայելել Օրիսաբայի տեսարանը։

Վերելքը դեպի գագաթ մոտ 4-5 ժամ է տևում։
Այստեղ գտնվող լեռնային կացարանում էլ կգիշերենք:

Օր 4 ։ Պուեբլա – Օրիսաբա բազային ճամբար

Հաջորդ օրը կշարժվենք դեպի Պուեբլա: Քաղաքում շրջելուց հետո, կուղևորվենք դեպի մեր ճամբար: Ճամբարը գտնվում է 4100 մ բարձրության վրա, որտեղ էլ կլինի մեր վրանային գիշերակացը:

Օր 5 – ։ Կլիմայավարժեցում

Բոլորս գիտենք, թե ինչքան կարևոր է կլիմայավարժեցումը բարձրալեռնային վերելքների ժամանակ։ Այդ իսկ պատճառով այսօր ակլիմատիզացիոն վերելք կիրականացնենք մինչև 4500 մ բարձրություն, որտեղ մի փոքր ժամանակ անցկացնելուց և սնվելուց հետո կվերադառնանք բազային ճամբար։

Մեզ սպասվելու է վաղ ընթրիք և գիշերակաց։

Օր 6 – ։ Վերելք Օրիսաբայի գագաթ

Այսօր մեր ճամփորդության ամենաբարդ և ամենապատասխանատու օրն է։ Արթնանալու ենք գիշերը 12-ին և պատրաստվենք դեպի Օրիսաբայի գագաթ վերելքին։ Ամենագնաց մեքենաներով կբարձրանանք մինչև 4600 մետր, որտեղից էլ կսկսենք մեր վերելքը:

Վերելքից հետո կիջնենք բազային ճամբար և կվերադառնանք Մեխիկո:

Օր 7 – ։ Ազատ օր Մեխիկոյում

Կունենանք ազատ օր Մեխիկոյում, որն անհրաժեշտության դեպքում կօգտագործենք որպես հավելյալ օր գագաթի համար՝ վատ եղանակի դեպքում։

Օր 8 – ։ Վերադարձ տուն

Տեղափոխում օդանավակայան և վերադարձ տուն։

Ճամփորդության արժեքը՝

 

Արժեքն իր մեջ ներառում է՝

• օդանավակայանից տեղափոխում դեպի հյուրանոց և հակառակը
• մեքենաներով տեղափոխում դեպի լեռնային անցակետ և հակառակը
• ուղեկցորդների ծառայության վճարը
• գիշերակացը հյուրանոցներում (4 գիշեր)
• երեքանգամյա սնունդ ողջ վերելքի ընթացքում
• ջուրը լեռան վրա
• ազգային պարկերի մուտքավճարները
• գիշերակացը վրաններում
• ամենագնաց մեքենաների ծառայությունը
• տեղական հարկեր

Արժեքը չի ներառում`

• ինքնաթիռի տոմսերը (գումարը տատանվում է 1200-ից 1400 դոլարի սահմաններում)
• վիզայի արժեքը 
• անձնական գույքը
• ընթրիքն ու լանչը քաղաքում
• անձնակազմի թեյավճարները 

Մանրամասների և գրանցման համար զանգահարեք 043 00 51 65 հեռախոսահամարով կամ գրեք մեր ֆեյսբուքյան էջին։

Առաջիկա արշավներ