Մթնաձորի կիրճ
Մթնաձորի կիրճ առաջին՝ էքսպեդիցիոն արշավն իրականացրինք 2022 թվականի դեկտեմբերին՝ որոշել էինք քայլել Մակարավանքից դեպի Ենոքավան։ Սկզբում երթուղին անցնում էր Մթնասարի լեռների ալպիական մարգագետիններով, այնուհետև՝ թավ անտառներով։ Կիրճից հետո պլանավորել էինք բարձանալ Ենոքավան, սակայն կիրճը մեզ հետ կապված այլ ծրագրեր ուներ։ Հասնելով այն հատվածը, որտեղից պետք է սկսեինք բարձրանալ, հասկացանք, որ դեպի Ենոքավան տանող ճանապարհ չկա, իսկ ժայռերն այնպես են վեր խոյանում, որ հնարավոր չէ որևէ կերպ դրանք շրջանցել։
Որոշեցինք կիրճն ի վար իջնել դեպի Լուսաձոր գյուղ։ Ճանապարհը լի էր խոչընդոտներով, սակայն մեր՝ 30 արշավականներից բաղկացած խումբը, բարեհաջող հաղթահարելով բոլոր դժվարությունները մինչև մութն ընկնելն ավարտեց արշավը։
Կիրճն աննկարագրելի գեղեցիկ էր ու կուսական, որտեղ չէր զգացվում մարդու ներկայությունը, չկային տրորված արահետներ, չկար աղբ․․․ կար միայն բնության անդորրն ու մենք։
Սույն հոդվածի հեղինակային իրավունքը պատկանում է armgeo.am կայքին։ Հոդվածի բովանդակությունը կարող է մեջբերվել, օգտագործվել այլ կայքերում, միայն ակտիվ հղում պարունակելով դեպի սկզբնաղբյուրը:
Բլոգ Հայաստանի մասին
