Խաթաբալա լեռ

Խաթաբալա լեռը գտնվում է Գեղարքունիքի մարզում՝ շրջապատված լինելով առավել հայտնի Արևելյան Սևանի, Գեղամա և Վարդենիսի լեռներով: Բարձրությունը 2653 մետր է՝ տեղակայված Փամբակ և Դարանակ գյուղերի միջև: Խաթաբալան գտնվում է հայ-ադրբեջանական սահմանից 4կմ հեռավորության վրա:

Խաթաբալա լեռան հետ կապված տեղեկություններ գրեթե չկան, անհայտ է մնում նաև լեռան անվան ընտրությունը: Կարող ենք ենթադրել, որ անունը կապված է ժողովրդի շրջանում տարածված «խաթաբալա» բառի հետ, որն ունի «փորձանքի գալ, լինել դժվարին, բարդ իրավիճակում» իմաստը: Սակայն այս դեպքում հանդիպում ենք փոքրիկ անհամաձայնության: Քանի որ նույնիսկ ոչ այնքան բարենպաստ եղանակային պայմաններում, հնարավոր է հաղթահարել լեռն ու հասնել գագաթ, եթե ֆիզիկապես և գույք հանդերձանքով պատրաստ ես արշավին:

Ցանկացած լեռան գագաթ հասնելիս, արշավականներն ասես պարգևատրվում են յուրօրինակ տեսարանով՝ բացառություն չէ նաև Խաթաբալան: Ստորոտից սկսած Խաթաբալայից բացվում է հրաշալի տեսարան դեպի Արևելյան Սևանի, Գեղամա և Վարդենիսի լեռներ՝ հնարավորություն տալով վայելելու դեպի Սևանա լիճ բացվող տեսարանը: 

Հաշվի առնելով այն փաստը, որ լեռը սահմանային է և նշագրված արահետներ չկան՝ հորդորում ենք արշավել դեպի Խաթաբալա միայն տեղանքին ծանոթ ուղեկցորդների հետ:

Մեր արշավներին մասնկացելու համար կարող եք զանգահարել 043 00 5165 հեռախոսահամարով կամ գրել մեր ֆեյսբուքյան էջին: 

Մեր արշավները