Վերելք Բաղացսար լեռ

Հոկտեմբերի 19-20, 2024

Ուղևորվում ենք վայելելու Հարավային  Հայաստանի  աշնանային գույներն ու իրականացնելու վերելք Մեղրու լեռների ամենաբարձր գագաթը՝ Բաղացսար լեռը։

Օր 1: Երևան- Մեղրի

Վաղ առավոտյան Երևանից ուղևորվում ենք դեպի Սյունիք։ Հասնելու ենք Հայաստանի հարավային դարպաս՝ Մեղրի: Բարձրանալու ենք Մեղրու բերդ, որն իր ճարտարապետական մտահղացմամբ եզակի է հայկական ամրոցաշինության մեջ, պարսպապատեր չունի, դրանց փոխարինել են լեռնաշղթայի թեք կողերը: Զբոսնենք Մեղրու հին թաղամասերով:

Այնուհետև ուղևորվելու ենք Արաքսի ափ։ Ունենալու ենք կանգառ ամենագեղատեսիլ վայրում, որտեղից բացվում է հիանալի տեսարան դեպի Արաքս գետն ու սահմանից այն կողմ գտնվող լեռնաշխարհը։ Մայրամուտը դիմավորելու ենք Արաքսի ափին։ Գիշերակացը Լիճք գյուղում։

Մասնակիցները պետք է ունենան սեփական քնապարկ և ներքնակ: Մնալու ենք խմբի ուղեկցորդ Գագիկ Սարգսյանի պապական տանը։

Օր 2: Վերելք Բաղացսար լեռ (3249 մ)

Վաղ առավոտյան Լիճքից շարժվելու ենք դեպի Կալեր գյուղ, որտեղից էլ սկսելու ենք վերելքը դեպի գագաթ։ Բաղացսարը գտնվում է ոչ շատ հեռու Խուստուփից, սակայն քչերը գիտեն, որ այն Խուստուփից ավելի բարձր է։ Գագաթից բացվում է հիանալի տեսարան դեպի Խուստուփ լեռն ու Զանգեզուրի լեռնաշղթան։

Երթուղու երկարությունը՝ 13 կմ
Հարաբերական բարձրությունը՝ 1000 մետր

Վերելքից հետո վերադառնում ենք Երևան:

Բաղացսարի մեր առաջին արշավի լուսանկարներն ու տեսանյութն այստեղ – https://armgeo.am/baghatssar/

Արշավն իրականացվում է 4X4 մեքենաներով:

Հանդիպման վայրը` Կոմիտասի «Սիթի»
Հանդիպման ժամը` 6։30
Մասնակցության արժեքը` 37 000 դրամ

Արժեքի մեջ ներառված է՝

• Տրանսպորտ
• Ուղեկցորդի ծառայություն
• Գիշերակաց գյուղական տանը

Սնունդն արժքի մեջ ներառված չէ:

Մասնակիցներն իրենց հետ պետք է ունենան՝

• Աման, գդալ, պատառաքաղ, բաժակ
• Քնապարկ
• Ներքնակ (կարեմատ)
• Ուսապարկ
• Ձեռնափայտեր
• Ջուր
• Դեղատուփ
• Արևային ակնոց
• Գլխարկ (արևապաշտպան և ձմեռային)
• Տաք հագուստ
• Լապտեր
• Անձրևապաշտպան թիկնոց
• Սնունդ

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):

Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը – https://bit.ly/3GHAt9H

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։
Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև հոկտեմբերի 16-ի ցերեկը՝ 12:00, այնուհետև հրաժարվողի գումարը վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։

Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա արշավներ