Արշավ Դեբեդի կիրճում․ Օձունից Հոռոմայր և Քոբայր
Հրավիրում ենք մասնակցել քայլարշավի Դեբեդի կիրճում։
Քայլարշավն անցնելու է Հայաստանի գողտրիկ անկյուններից մեկով, որտեղից բացվում են գեղեցիկ տեսարաններ, իսկ գարնանային Լոռին իր գեղեցկությամբ անտարբեր չի թողնի ոչ ոքի։
Արշավ Դեբեդի կիրճում․ Օձունից Հոռոմայր և Քոբայր
Արշավի սկզբում կայցելենք Օձուն գյուղի մոտ գտնվող Հոռոմայր վանական համալիրի վերին հուշարձանախումբը։ Այս հուշարձանախումբը նաև անվանում են Ձորաեզրի վանք։
Արշավ Դեբեդի կիրճում․ Օձունից Հոռոմայր և Քոբայր
Վանական համալիրի պատմությանը ծանոթանալուց և այստեղից դեպի Դեբեդի կիրճը բացվող աննկարագրելի տեսարանները վայելելուց հետո կսկսենք մեր քայլարշավը։
Գեղեցիկ արահետով նախ կքայլենք ներքին Հոռոմայրի վանք։ Վանքը համարվում է միջնադարյան Հայաստանի կարևորագույն ճարտարապետական կառույցներից մեկը։ Այն նաև անվանում են Ձորամիջի վանք։
Այնուհետև մեր քայլարշավը կշարունակենք դեպի Դեբեդի կիրճում գտնվող ևս մեկ նշանավոր վանական համալիր՝ Քոբայրավանք։ Այն հանդիսացել է միջնադարի կարևոր հայ գրչօջախներից և մշակութային կենտրոններից մեկը։ Քոբայրը հայտնի է հատկապես իր պահպանված բարձրարվեստ որմնանկարներով։
Արշավի ժամանակ, Օձուն գյուղում, կտեսնենք Ծաղկավանք եկեղեցին (V դ․), որը կոչում են նաև Ծիրանավոր։ Ըստ ժողովրդական հավատամքի, ամոքում էր անցյալում լայն տարածում ունեցող մանկական ծաղիկ հիվանդությունը։
Քայլարշավը հարմար է նաև սկսնակ արշավականների համար։
Ճանապարհին ունենալու ենք կանգառ Սպիտակի ֆուդ կորտում։
Արշավի երկարությունը՝ 9 կմ
Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը` 8։00
Մասնակցության արժեքը` 9 500 դրամ
Արժեքի մեջ ներառված է՝
Տրանսպորտ
Ուղեկցորդների ծառայություն
Մասնակիցներն իրենց հետ պետք է ունենան՝
Ուսապարկ (պարտադիր)
Ձեռնափայտեր
Մեկօրյա սնունդ
Ջուր (առնվազն 1,5 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց
Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:
Մեր արշավներին կարող են մասնակցել միայն 18-55 տարեկան միջին ֆիզիկական տվյալներ ունեցող անձինք, ովքեր չունեն առողջական խնդիրներ։
Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):
Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը
Քայլ 3։ Կատարել փոխանցում
Ստացող՝ ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։
Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։
Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը վերադարձի ենթակա չէ։
ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։
