Կոշի բերդ և Երերույք

 

Հրավիրում ենք միասին բացահայտել հայկական պատմամշակութային ժառանգության եզակի կոթողները։ Մեր ճամփորդությունը խոստանում է լինել հիշարժան և տպավորիչ։

Օրվա սկզբում կուղևորվենք Կոշ գյուղ,որտեղ կիրականացնենք 2 կմ երկարությամբ փոքրիկ քայլարշավ դեպի Կոշի բերդ։ Պարզ եղանակին այստեղից աննկարագրելի տեսարան է բացվում դեպի Արարատ լեռը:

Այնուհետև կայցելենք Արուճ գյուղ՝ տեսնելու գյուղի նշանավոր կոթողներից մեկը՝ Սուրբ Գրիգոր եկեղեցին, որը կառուցվել է 7-րդ դարում։ Այն հայկական հոգևոր և ճարտարապետական նշանավոր կոթողներից է՝ կառուցված Գրիգոր Ա Մամիկոնյանի կողմից։ Ծանոթանալով Արուճի տաճարի պատմությանը կուղևորվենք Դաշտադեմ գյուղ՝ տեսնելու Դաշտադեմի ամրոցը, որը Հայաստանի տարածքում կառուցված ու պահպանված ամրոցաշինության լավագույն օրինակներից մեկն է։

Ճամփորդության ավարտին կայցելենք Հայաստանի միջնադարյան եզակի կառույցներից մեկը՝ Երերույքի տաճարը, և հնարավորություն կունենանք ծանոթանալ տաճարի պատմությանը: Տաճարը Հայաստանի ամենավաղ քրիստոնեական համալիրներից մեկն է, որը ցանկացած այցելուի տպավորում է իր ճարտարապետական յուրօրինակությամբ։

Հանդիպման վայրը` Սարյանի պուրակ (Մարտիրոս Սարյանի արձանի մոտ)
Հանդիպման ժամը՝ 9։00
Մասնակցության արժեքը՝ 8 500 դրամ

Արժեքի մեջ ներառված է՝
Տրանսպորտ
Գիդի ծառայություն

Մասնակիցներն իրենց հետ պետք է ունենան՝

Ուսապարկ (պարտադիր)
Ձեռնափայտեր
Մեկօրյա սնունդ
Ջուր (առնվազն 1 լիտր)
Դեղատուփ
Արևային ակնոց
Գլխարկ (արևապաշտպան և ձմեռային)
Տաք հագուստ
Լապտեր
Անձրևապաշտպան թիկնոց

Հագուստը պետք է լինի շարժումը չկաշկանդող, սպորտային: Կոշիկները՝ հաստ տակացուով (նախատեսված քայլքի համար):Ձեզ հետ ունեցեք նաև փոխնորդ կոշիկներ, որպեսզի թրջվելու դեպքում փոխեք, իսկ ցեխոտվելու դեպքում չկեղտոտեք մեքենան:

Ինչպե՞ս գրանցվել՝
Քայլ 1։ Զանգահարել 043 00 5165 (Viva cell) հեռախոսահամարով, Երևանի ժամանկով ժամը՝ 10։00-ից մինչև ժամը՝ 18։30 ընկած ժամանակահատվածում։
Կամ կարող եք գրել Armenian Geographic ֆեյսբուքյան էջին և մենք կպատասխանենք աշխատանքային ժամերի ընթացքում (10։00-ից մինչև ժամը՝ 18։30):

Քայլ 2։ Մեր հետ առաջին անգամ արշավի մասնակցելու դեպքում պետք է անցնել հետևյալ հղումով և լրացնել տեղեկացված համաձայնությունը – https://bit.ly/3GHAt9H

Քայլ 3։ Կատարել փոխանցում
Ստացող՝
ԱՐՄՋԵՈ ՍՊԸ (InecoBank)
Բանկային հաշիվ 2052 0222 1888 1001
Փոխանցումը կատարելիս անպայման նշեք Ձեր անուն-ազգանունը կամ հեռախոսահամարը և արշավի ուղղությունը։

Քայլ 4։ Վճարումը կատարելուց հետո անդորրագիրն ուղարկեք մեր էջին։ Գրանցումը համարվում է հաստատված վճարման անդորրագիրը մեր ֆեյսբուքյան էջին ուղարկելուց հետո։

Գրանցվելուց հետո կարող եք հրաժարվել մինչև արշավի նախորդ օրվա առավոտյան 12:00: Այնուհետև հրաժարվողի գումարը  վերադարձի ենթակա չէ։

ՈՒՇԱԴՐՈՒԹՅՈՒՆ
Խնդրում ենք առնվազն 10 րոպե շուտ լինել հանդիպման վայրում։
Ուշանալու և դրա պատճառով արշավը բաց թողնելու դեպքում գումարը ետ չի վերադարձվում։

Առաջիկա տուրեր