Արշավային դեղատուփ (մինչև 4000 մ)

Ձեզ ենք ներկայացնում արշավային դեղատուփ, որը պատրաստված է հատուկ Հայաստանի արշավների համար: Դեղատուփի պարունակությունը նախատեսված է մինչև 4000 մետր բարձրությունների համար: Ըստ բժիշկ-արշավական Ռաֆայել Ժամակոչյանի այս դեղատուփը կազմված է միայն ամենաանհրաժեշտ դեղերից, որպեսզի ցանկացած արշավական կարողանա ունենալ իր ուսապարկում: Հակիրճ նկարագրել ենք դեղերի ազդեցությունը, կողմնակի ազդեցությունը և մոտավոր գինը, որպեսզի հեշտ կողմնորոշվեք դեղատանը:

Մենք խորհուրդ ենք տալիս տպել այս ցանկը կամ ուղղակի դեղատանը բացել հեռախոսով և հավաքել արշավային դեղատուփ: Մի թողեք վաղվան, փորձանքը մի անգամ է լինում և յուրաքանչյուր արշավական պատասխանատու է ոչ միայն իր այլ նաև արշավի մյուս մասնակիցների համար:

ՑԱՎԱԶՐԿՈՂՆԵՐ

Անալգին

Ազդեցությունը – Ունի միջին ուժգնության ցավազրկող, ջերմիջեցնող և հակաբորբոքային ազդեցություն: Նախատեսված է հոդային, մկանային ցավերի, ատամնացավի և նյարդացավերի ժամանակ: Ունի նաև ջերմիջեցնող հատկություն:

Կողմնակի էֆեկտները – զուրկ է արտահայտված կողմնակի էֆեկտներից: Հնարավոր կողմնակի էֆեկտներն են՝ ալերգիկ ռեակցիաները, երիկամների և լյարդի ախտահարումները, ասթմատիկ վիճակի խորացումը. Արյան որոշակի պաթոլոգիաներ:

Գինը – 100 դրամ- 1 տուփը-10 հաբ

Կետոռոլակ

Ազդեցությունը – Ունի բարձր ուժգնության ցավազրկող, քիչ ջերմիջեցնող և միջին հակաբորբոքային ազդեցություն:

Կողմնակի էֆեկտները – զուրկ է արտահայտված կողմնակի էֆեկտներից: Հնարավոր կողմնակի էֆեկտներն են՝ ալերգիկ ռեակցիաները:

Գինը – 1300 դրամ – 10 ամպուլան

Դեքսալգին

Ազդեցությունը – Ունի բարձր ուժգնության ցավազրկող, քիչ ջերմիջեցնող և միջին հակաբորբոքային ազդեցություն:

Գինը – 190 դրամ-1 տուփ փոշին, 210 դրամ-1 հաբը

ՍՊԱԶՄՈԼԻՏԻԿՆԵՐ

Նո-Շպա

Ազդեցությունը – ունի կծկանքալույծ ազդեցություն:

Կողմնակի էֆեկտները – զուրկ է արտահայտված կողմնակի էֆեկտներից: Հնարավոր կողմնակի էֆեկտներն են՝ ալերգիկ ռեակցիաները: Հնարավոր կողմնակի էֆեկտներն են՝ ալերգիկ ռեակցիաները, գլխացավ, ճնշման անկում, սրտխառնոց, փսխում:

Գինը – 35 դրամ- 1 հաբը

ՀԱԿԱԱԼԵՐԳԻԿ

Կեստին

Ազդեցությունը – ունի հակաալերգիկ ազդեցություն:

Կողմնակի էֆեկտները – զուրկ է արտահայտված կողմնակի էֆեկտներից: Հնարավոր կողմնակի էֆեկտներն են՝ սրտխառնոց, անքնություն, ցավ որովայնում:

Գինը – 500 դրամ-1 հաբը (ոչ իրական արժեք)

ՀԱԿԱՇՈԿԱՅԻՆ

Դեքսամետազոն

Ազդեցությունը – ունի հակաալերգիկ և հակաշոկային ազդեցություն:

Կողմնակի էֆեկտները – զուրկ է արտահայտված կողմնակի էֆեկտներից: Հնարավոր կողմնակի էֆեկտներն են՝ ստամոքս-աղիքային, նյարդային, նյութափոխանակության խանգարումներ, որոնք դրսևորվում են շատ հազվադեպ և մեծ դոզաներով կիրառելու դեպքում:

Գինը – 100 դրամ-1 ամպուլան